İran: ABŞ və İsrailin hərəkətləri yenidən müharibə axtarışında olduqlarını göstərir

İran Məclis Sədri Məhəmməd Baqir Qalibaf xalqa müraciət edərək səsli mesaj yayımladı. Mesajında, atəşkəs prosesinə baxmayaraq düşmənlərin hədəflərindən vaz keçmədiyini deyən Qalibaf, “Düşmənin açıq və gizli hərəkətləri, iqtisadi və siyasi təzyiqlərə paralel olaraq hərbi hədəflərindən vaz keçmədiyini, yeni bir müharibə və yeni bir macəra axtarışında olduğunu göstərir. ABŞ-ın qarşısında iki seçim var; birincisi müharibəni bitirmək, ikincisi isə müharibəni yenidən başlatmaq” ifadələrini işlətdi.

Qalibaf, İranın atəşkəs müddətində hazırlıq gördüyünü bildirərək, ölkəyə yönəlik hücumlara qarşı durmanın vacib amillərindən birinin xalqın 'daimi əzmi' olduğunu bildirdi. Qalibaf, “Düşmənlər, İranın heç bir şəraitdə heç bir qüvvəyə boyun əyməyəcəyini hələ anlamayıb. Güclü Silahlı Qüvvələrimizin, atəşkəs fürsətini hərbi gücümüzü yenidən qurmaq üçün ən yaxşı şəkildə dəyərləndirdiyi barədə millətimizi əmin edirəm. Allahın izni və xalqın dəstəyi ilə bu gün düşməni təəccübləndirəcək və İrana yenidən hücum etməyin peşmanlığını onlara mütləq yaşadacaq hazırlıqlar içindələr” deyə danışdı.

İranda xalqın, gündəlik həyatda iqtisadi problemlərlə də qarşı-qarşıya qaldığının fərqində olduqlarını qeyd edən Qalibaf, xalqın iqtisadi problemlərini aradan qaldırmaq və əsas ehtiyac maddələrinin tədarükü məsələlərini araşdırmaq üçün Məclisdə xüsusi bir nəzarət komitəsinin yaradılacağını açıqladı.