Yaxın Şərqdəki münaqişə iyun ayına qədər uzanarsa, dünyada aclıqdan əziyyət çəkən insanların sayı 45 milyon artaraq tarixi rekorda çata bilər.
AZƏRTAC xəbər verir ki, bu barədə BMT-nin Ümumdünya Ərzaq Proqramının icraçı direktorunun müavini Karl Skau Cenevrədə keçirilən brifinqdə bildirib. Onun sözlərinə görə, əgər Yaxın Şərqdəki münaqişə iyun ayına qədər davam edərsə, qiymətlərin artması daha 45 milyon insanı kəskin aclığa sürükləyə bilər.
“Bu, dünyada aclığının rekord səviyyələrə çatmasına səbəb olacaq dəhşətli bir perspektivdir”, - deyə Skau vurğulayıb. O, həmçinin qeyd edib ki, hazırda dünya üzrə 319 milyon insan kəskin qida çatışmazlığından əziyyət çəkir və iyun ayınadək bu rəqəm 360 milyonu keçə bilər.
